CEO, Bwrdd Iechyd Prifysgol Betsi Cadwaladr

Dyma gyfle unigryw i arweinydd rhagorol y gall ei werthoedd personol, ei weledigaeth strategol a’i hanes gwych effeithio’n gadarnhaol ar iechyd a lles pobl Gogledd Cymru.

Bwrdd Iechyd Prifysgol Betsi Cadwaladr (BIPBC) yw Bwrdd Iechyd mwyaf Cymru gyda 19,000 aelod o staff, yn gwasanaethu poblogaeth o 700,000 ar draws tirwedd anhygoel sy’n cynnwys mynyddoedd bendigedig Eryri ac arfordir sy’n gartref i rai o’r traethau gorau yn y byd.

Mae gan y Bwrdd Iechyd hanes cymhleth ac mae angen unigolyn eithriadol i’w arwain trwy gyfnod anodd a heriol. Mae angen Prif Swyddog Gweithredol arno a all ysbrydoli, ysgogi ac arwain y tîm gweithredol, arweinwyr clinigol a rheolaethol a’u staff i fod ar eu gorau fel y gallant ffynnu mewn diwylliant ac ethos sy’n sicrhau’r canlyniadau gorau i gleifion.

Gan gydweithio’n dda gyda’r Cadeirydd a’r bwrdd newydd a benodwyd yn ddiweddar, ac mewn cydweithrediad ag amrywiaeth o bartneriaid, byddwch yn adeiladu diwylliant cadarnhaol yn seiliedig ar werthoedd a pharch. Byddwch yn sefydlu gweledigaeth, yn datblygu strategaethau, strwythurau a fframweithiau, ac yn meithrin perthnasoedd cadarnhaol o fewn a thu allan i BIPBC a fydd yn gwella iechyd a bywydau pobl sy’n byw ac yn gweithio yng Ngogledd Cymru.

Byddwch yn goruchwylio darpariaeth yn erbyn ansawdd, perfformiad, cydymffurfiaeth a chyllid sy’n fesuradwy i bobl Gogledd Cymru trwy eu profiad eu hunain – megis amseroedd aros gwell, canlyniadau gwell ac ansawdd gofal gwell.

Mae gan BIPBC swydd hollbwysig sef cefnogi pobl Gogledd Cymru i wella eu hiechyd a’u lles, a gofalu amdanynt pan fyddant yn sâl, neu angen cefnogaeth a chymorth meddygol. Mae ein staff yn rhan o’u cymunedau lleol. Maent yn gweithio ar draws 97 o bractisau meddygon teulu, 17 o ysbytai cymunedol, a thri ysbyty cyffredinol dosbarth ac yn ymdrechu’n ddyddiol i gefnogi eu cymdogion, eu teuluoedd a’r bobl sy’n byw ac yn gweithio ochr yn ochr â nhw.

Maen nhw’n chwilio am rywun a all eu harwain nhw a’r sefydliad tuag at ddyfodol mwy disglair. Dyfodol lle mae pawb sy’n gysylltiedig â BIPBC yn falch o’i ddarpariaeth a’i gyfraniad i gymunedau Gogledd Cymru. Yn gyfnewid, byddwch yn cael eich croesawu a’ch cefnogi gan bawb o’ch cwmpas.

Os oes gennych chi brofiad sylweddol fel arweinydd mewn sefydliad iechyd cymhleth, amlochrog, a hanes o greu effaith gadarnhaol a chreu diwylliannau grymusol, atebol, yna cysylltwch â ni.

Mae Grŵp MBS yn gweithredu fel cynghorwyr Bwrdd Iechyd Prifysgol Betsi Cadwaladr ar y penodiad hwn